Proposti mmresqa mill-MDA għall-Baġit 2019

Dawn huma l-10 proposti li ressqet il-Malta Developers Association għall-Baġit 2019:

1. Għandhom jiġu nċentivati dawk l-imprendituri kollha li qegħdin jagħmlu minn kollox sabiex ma jinħoloq 1-ebda nkonvenjent lil terzi. Dawk l-iżviluppaturi li qegħdin jużaw teknoloġiji moderni, anke jekk dawn m’humiex obbligatorji.

Dawk il-binjiet illi jmorru lil hinn minn dak rikjest mill-liġi fejn tidħol 1-effiċenzja tal-enerġija fil-bini u fejn ukoll qed jieħdu hħsieb li 1-construction site management isir b’aktar professjonalità u ma jkunx hemm rapport wieħed. Għalhekk, għal min jilħaq 1-ogħla livell ta’ żvilupp maqbula mal-awtoritajiet u mal-kunsilli lokali 1-MDA tipproponi li 1-Final Withholding Tax għandha tinżel għal 6% minflok 8%.

Dan huwa mod self-regulating ta’ kif tabilħaqq għandu jkun ippremjat min verament jaħdem b’mod professjonali. B’dan il-mod biss nistgħu naraw il-qabża fil-kwalità tant mixtieqa.

2. L-MDA tinnota li t-taxxa fuq iċ-ċessjonijiet fuq il-karta qegħda ta’ 35% mill-profitt iżda fil-prattika qegħda tiġi evitata kompletament. Għalhekk nissuġġerixxu li tiġi introdotta Final Withholding Tax fuq 1-ammont taċ-ċessjoni li tirrifletti 1-ogħla rati fis-sistema ta’ trasferiment tal-proprjetà, cioè dik ta’ 12%. B’din il-miżura mhux biss ikun qed jonqos 1-abbuż, iżda niggarantixxu aktar dħul fil-kaxxa ta’ Malta.
3. Is-sistema tal-valutazzjoni tal-periti kif inhi llum qegħda toħloq inġustizzji u kultant inċertezza kbira kemm għal min jixtri u wisq aktar għal min ibiegħ. L-MDA tissuġġerixxi li l-prezz għandu jkun dak iddikjarat fil-konvenjum meta dan ikun irreġistrat. Id-Dipartiment tat-Taxxa għandu jibqagħlu d-dritt li jinvestiga meta prima facie jidher li jkun hemm abbuż. L-MDA tista’ tkun strumentali sabiex tieħu sehem fl-emendi ta’ din il-liġi antikwata.
4. Propjetajiet għall-kiri mmirati biex jakkomodaw familji Maltin għall-iskop ta’ residenza ordinarja. Sidien li jikkontribwixxu b’kirjiet affordabbli għal ħames snin jew aktar bi prezzijiet maqbula minn qabel għandhom jiġu nċentivati meta jiġu biex jittrasferixxu l-imsemmija proprjetà wara li jkunu ssodisfaw kriterji mposti mmirati għal dan il-għan.

Din il-miżura toffri aktar supply u tnaqqas l-ispekulazzjoni sabiex il-kirjiet ikunu aktar affordabbli u stabbli.

5. L-MDA tipproponi li tiġi estiża 1-proposta li ntlaqat tajjeb is-sena 1-oħra dwar trasferiment tan-negozji mill-ġenituri għal uliedhom f’ħajjithom. It-tnaqqis tal-boll kien min 5% għal 1.5%. Inżidu wkoll illi din il-miżura nissuġġerixxu li tinkludi proprjetajiet li l-ġenituri jixtiequ jgħaddu lil uliedhom f’ħajjithom.
6. L-MDA qegħda tipproponi li t-taxxa tal-ħaddiema għal xogħol li jagħmlu bħala overtime għandha titnaqqas għal rata fissa. Dan 1-incentiv jista’ jħajjar aktar ħaddiema biex iżidu l-overtime.
7. L-MDA tipproponi li jingħata inċentiv lil min jagħmel tajjeb għad-depożitu ta’ xiri minn first-time buyers. Din tfisser li l-venditur innifsu jitħajjar isellef lil dawk kollha li ma jkollhomx l-10% rikjest mill-banek sabiex jakkwistaw l-ewwel dar.
8. L-MDA tipproponi li f’ċertu lokalitajiet li saru impossibbli biex tipparkja jsiru parking meters u fl-istess ħin tinkoraġġixxi l-idea li jinħolqu parkeġġi pubbliċi mal-privat jew mill-privat.
9. Il-membri tal-MDA lesti li jintrabtu li jżidu l-minimum wage għal ħaddiema fis-settur tal-kostruzzjoni b’ta’ l-anqas 20%, għal dawk il-ħaddiema kollha li jattendu taħriġ bażiku sabiex jottjenu l-iSkill Cards neċessarji.
10. L-MDA toffri li bil-ħiliet u bl-esperjenza tagħha tidhol f’Public Private Partnership mal-Gvern sabiex titwaqqaf Aġenzija jew Fondazzjoni ħalli fil-pajjiż ikun hawn appartamenti adegwati bi prezzijiet ta’ bejn €300 u €400 fix-xahar. L-MDA konċernata ħafna fuq sitwazzjonijiet ġenwini ta’ nies li m’humiex ilaħħqu mal-kirjiet kummerċjali. Nassiguraw li din il-miżura m’hemm l-ebda skop ta’ spekulazzjoni, u fondazzjoni bħal din tkun tista’ tilħaq l-iskop soċjali biss.